Abhi woh dard baqi hai
Agarche waqt marham hai
Magar kuch waqt lagta hai
Kisi ko bhool janey mein
Dobara dil basaney mein
Abhi kuch waqt lagna hai
Abhi woh dard baqi hai
Mein kaise nayi ulfat mein apni zaat ko gum kar doon
Ke mere jism-o-wajdaan mein
Abhi woh fard baqi hai
Abhi us shakhs ki mujh per
Nigah-e-sard baqi hai
Abhi to ishq ke raston ki mujh per gard baqi hai
Abhi woh dard baqi hai.......!!!